സൗഹൃദം

കാലുകൾ വിറയാർന്നതും
കൈകൾ വിരലു ഞെരിച്ചതും
വായ പല്ലിറുമ്മിയതും
ശരീരത്തിലെവിടെയന്നറിയാത്ത
മനസ്സ് വേദനിച്ചതിനാലായിരുന്നു.

നോട്ട് - ഔട്ട്

ഉഴുതുമറിച്ച ഭൂമിയിൽ വിത്തിട്ട് കാത്തിരുന്നു.
വേരുകൾ മുകളിലേക്കും ഇലയും കനികളും
മണ്ണിലേക്കുമെന്ന പുതിയ രാജകൽപന
പാവം കർഷകനറിഞ്ഞിരുന്നില്ല.
വേരുകൾ വാനം തൊട്ടിട്ടും ഫലങ്ങൾ കാണാതെ
മെലിഞ്ഞുണങ്ങിയ കർഷകനെ കഴുകൻമാർ
കൊത്തിവലിച്ചു.

ജീവിതം

മിന്നാമിനുങ്ങിന്റെ ഇത്തിരി വെട്ടം മതി
നമ്മുടെ ജീവിതത്തിന് വെളിച്ചമേകാൻ.
ചിത്രശലഭത്തിന്റെ ചിറകുകൾ മതി
നമ്മുടെ ജീവിതത്തിന് ചാരുതയേകാൻ.