പുകവലി

 പുകവലി

വഴിയിൽ കിടക്കുന്ന സിഗരറ്റ് പാക്കറ്റിൽ വെറുതെ ചവിട്ടിയതായിരുന്നു. കറുത്ത കുത്തുകൾ വീണ് ക്ഷീണിച്ച ശ്വാസകോശം അതിൽ നിന്ന് പുറത്ത് ചാടി. മണ്ണിലാവാതിരിക്കാൻ കൈ കൊണ്ടെടുത്തെങ്കിലും കുതറി മാറി വീണ്ടും നിലത്തു വീണു. ഇരു കൈയ്യും കൂട്ടിപ്പിടിച്ച് ഞാൻ ശ്രദ്ധയോടെ മാറോടണച്ചെങ്കിലും എൻ്റെ ആശ്ശേഷങ്ങളെ തട്ടിമാറ്റി തൊട്ടടുത്ത ഓവു ചാലിലേക്ക് ചാടി. ചെളി നിറഞ്ഞ വെള്ളത്തിൽ നിന്ന്  രക്ഷപ്പെടാൻ പഴുതുകളില്ലാതെ ഒലിച്ചുപോകുന്നത് വേദനയോടെ നോക്കിയിരിക്കാനേ കഴിഞ്ഞുള്ളു.

ഞായറാഴ്ച്ചയാവട്ടെ.

തോമസ് എന്ന എൻ്റെ പഴയ കൂട്ടുകാരൻ വലിയ സംസാര പ്രിയ നായിരുന്നു. ചെറുപ്പകാലത്ത് വീട്ടിലുണ്ടായ തമാശ പറഞ്ഞത് ഇപ്പൊഴും ഓർക്കുന്നു. നാട്ടിലെന്തോ ഒരു വിക്രസ് ഒപ്പിച്ചതിന് രാത്രി വീട്ടിലെത്തിയ അച്ഛൻ വല്ലാതെ ദേഷ്യപ്പെടുകയും അടിക്കുകയും  ചെയ്തു. ഒന്നും ആലോചിച്ചില്ല ഒന്നുരണ്ട് വസ്ത്രങ്ങളെടുത്ത് വീട്ടിൽ നിന്നിറങ്ങി. 'എങ്ങോട്ടാ ' അച്ഛൻ്റെ ചോദ്യം. ഞാൻ പോവ്വാണ് എന്ന് പറഞ്ഞ് തോമസ് നാടു വിടാനിറങ്ങി. നല്ലയിരുട്ട്. വെളിച്ചമില്ല. കുറേ ദൂരം നടന്നാലെ റോഡിലെത്തു. അൽപ നേരം ശങ്കിച്ചു നിന്ന ശേഷം തിരിച്ച് വീട്ടിലേക്ക് തന്നെ കയറി. 'എന്തേ .. പോണില്ലേ' അച്ഛൻ്റെ എല്ലാം അറിഞ്ഞുള്ള ചോദ്യം. തോറ്റു കൊടുക്കാനാവാത്തതിനാൽ തോമസ് ഇങ്ങനെ പറഞ്ഞു: 'ഞായറാഴ്ച്ചയാവട്ടെ' .!
- ഇ.കെ.നഈം -

നടത്തം

നടക്കുന്നില്ലേ...
ഞായറാഴ്ച്ചയാവട്ടെ.

ആയെല്ലോ. നടക്കുന്നില്ലേ..
പൊരിഞ്ഞ മഴ.

പോയെല്ലോ. നടക്കുന്നില്ലേ.
ഷൂവാങ്ങണം.

വാങ്ങീല്ലോ. നടക്കുന്നില്ലേ.
ജോഗിങ് ഡ്രസ്സ് വേണം.

കിട്ടീലോ. നടക്കുന്നില്ലേ.
ഇല്ല. എണീക്കാനാവുന്നില്ല.

പൂക്കളം തീർക്കാനുള്ള
പൂക്കളെയെല്ലാം പ്രളയം
കൊണ്ടു പോയെങ്കിലും ,
മനോവാടിയിലെ
സ്നേഹപ്പൂക്കളാൽ
ഓണപ്പൂക്കളം തീർക്കാം.
         E K Naeem

മറക്കാം നമുക്ക്

പ്രളയം വന്നു
നമ്മൾ എല്ലാം മറന്നു.
പ്രളയം  പോയി നാം
പഴയപോലെയായി. 
വീണ്ടും വരുന്നു
നമുക്കെല്ലാം മറക്കാം,
നാം വിസ്മൃതരാകും മുമ്പെ .

മാ നിഷാദ..

മരത്തിൽ തത്തിക്കളിച്ച കിളിയെ കാട്ടാളൻ അമ്പെയ്ത് വീഴ്ത്തി. മുനിമാർ മാനിഷാദ പാടിയില്ല. ചിറകടി നിലച്ച കാടിന്റെ വസന്തവും ക്രമേണ വറ്റി. 

പരിശ്രമം
പൊട്ടിവീണ ആകാശ കഷ്ണങ്ങൾ വിളക്കിച്ചേർത്ത് ഭൂമിയിൽ ഒരു കുഞ്ഞാകാശമുണ്ടാക്കാൻ ശ്രമിച്ചു. കണ്ടവരും കേട്ടവരും അസഭ്യവാക്കുകൾ ചൊരിഞ്ഞു. എതിർപ്പുകൾ വകവെക്കാതെ നിർമ്മാണം തുടർന്നു. ഞാൻ തീർത്ത കുഞ്ഞാകാശം കണ്ട് മുകളിലത്തെ ആകാശം എന്നെ അഭിനന്ദിച്ചു. അത് കണ്ട് നേരത്തെ കളിയാക്കിയവരും